Artel компанияси Американинг ТМК Technics Corp. корхонаси билан ҳамкорликда газ плиталарини ишлаб чиқариш ҳақида келишмоқда. Янги газ плиталари Америкага экспорт қилиниши режалаштирилган.
(Artel ошхона плиталарини ишлаб чиқариш)
Бугунги кунда Artel 20 турдан ортиқ маҳсулотларни ишлаб чиқаради ва Россия Федерацияси, Украина, Қозоғистон, Қирғизистон, Афғонистон, Тожикистон, Озарбайжон ва Гуржистон давлатларига экспорт қилади. Айтиш лозимки, Ўзбекистон корхоналарида ғарбга маҳсулот экспорт қилиш тажрибаси ҳали мавжуд эмас. Америка компанияси билан ҳамкорлик муносабатларини ўрнатаётган Artel ғарбга маиший техникани экспорт қилишни йўлга қўйган биринчи компанияга айланиши мумкин.
(Artel Хитойдаги Conton Fair халқаро кўргазмасида)
Алоҳида таъкидлаш лозимки, Америка газ плиталари Европа плиталаридан фарқ қилади ва ўзга стандартлар бўйича ишлаб чиқарилади. Масалан, Америкада ишлаб чиқарилган газ плиталари ўзга габарит ўлчамлари, сифат стандартлари ва ташқи кўринишга эга. Маҳсулотлар орасидаги катта фарққа қарамай, Artel компанияси қисқа вақтда ишлаб чиқариш базаларини янги стандартларга мослаб созлаш ва ишлаб чиқаришни йўлга қўйиш ҳеч қийинчилик туғдирмайди.
(Artel Туркманистондаги «Халқаро иқтисодий ривожланиш — 2017» кўргазмасида)
Маълумки, Америка бозорларида ишлаб чиқарувчи корхоналар кўп бўлганлиги туфайли, рақобат ҳам жуда кучли. Рақобатга дош бериб, бозорларда ўз ўрнини сақлаб қолиш ва истеъмолчилар ҳурматини қозониш учун ҳар қандай компания маҳсулоти юқори сифатга эга бўлиши лозим.
(Artel Тожикистондаги «Made in Uzbekistan» кўргазмасида)
Ўрта Осиёнинг энг йирик ишлаб чиқарувчи корхонаси ҳисобланувчи, ҳамда Samsung каби халқаро компания билан ҳамкорлик тажрибасига эга бўлган Artel Америка бозорларида ўз муносиб ўрнини эгаллаши ва истеъмолчилар ҳурматини қозониши учун барча имкониятларга эга.
(Artel Белорус Республикасидаги «Made in Uzbekistan» кўргазмасида)
Ғарб бозорларига кириб бориш нафақат Artel компаниясига, балки юртимиз иқтисодиётига ҳам ижобий таъсир кўрсатиши аниқ.
Реклама ҳуқуқи асосида.
Изоҳ (0)