Қадрли ҳамюртлар, Artel компанияси барчангизни энг улуғ ва азиз айём — Мустақиллик куни билан чин кўнгилдан табриклайди. Сизга узоқ умр, сиҳат-саломатлик, бахт-саодат, хонадонингизга қут-барака тилайди. Барча эзгу ниятларингиз амалга ошишини, Ватанимиз равнақи йўлида амалга ошираётган ишларингизга омад доимо ёр бўлишини тилаб қолади.
Азизлар, юртимиз мустақилликка эришганига 28 йил бўлди. Бу йиллар давомида Ватанимизда буюк ўзгаришлар юз берди, десак ҳеч муболаға бўлмайди. Бугунги кунда Ўзбекистон жадал ривожланиб бораётган, дунё аренасида ўз муносиб ўрнини эгаллаган, улкан потенциалга эга бўлган давлатга айланган.
Айтиш жоизки, Ўзбекистон мустақилликка эришгач, ўз тараққиёт йўлини аниқ белгилади. Демократик янгиланиш, модернизациялаш, иқтисодиёт, сиёсат ва таълим-тарбия соҳаларида чуқур ислоҳотлар олиб бориш йўлига қадам қўйган давлатимиз бугунда гуллаб-яшнамоқда, фуқаролик жамиятимиз олий даражада ривожланган, ёш авлодимиз эса баркамол, жисмонан соғлом, маънавий етук ва юксак интеллектуал салоҳиятига эга.
Алоҳида таъкидлаш жоизки, охирги йиллар давомида ўтказилган реформалар иқтисодиётимизнинг жадал ривожланишига олиб келди. Бундан ташқари ушбу реформалар давлатимиз ва фуқароларимиз орасида олий даражада очиқ, ўзаро ишончга асосланган муносабатларни шаклланишига катта имкониятлар яратди.
Мустақиллик йўлида халқимиз юксак инсонийлик фазилатларини намойиш этди, юртимиз аҳолисига хос бўлган мардлик билан барча қийинчликларни енгиб ўтди. Айнан шу сабабли ушбу кун барчамиз учун ўзгача қадр-қимматга эга. Азиз дўстлар, Artel компанияси барчангизни Мустақиллик айёми билан самимий муборакбод этади.
Ватанимиз тинч, осмонимиз мусаффо, халқимиз эса омон бўлсин.
Реклама ҳуқуқи асосида.
Изоҳ (0)