MChJ Uztex Group QK bugungi kunda MDH mamlakatlari orasida birinchi va yagona BSCI sertifikatining eng yuqori bahosini olgan to‘qimachilik kompaniyasidir. U nafaqat BSCI sertifikatini qo‘lga kiritdi, balki ushbu sertifikatning 13 ta xalqaro standart tamoyili va qoidasi bo‘yicha eng yuqori bahosi mutlaq — A toifasi bilan taqdirlandi.
BSCI — bu Bryusselda joylashgan notijorat tashkilot bo‘lgan tashqi savdo uyushmasi (FTA) tomonidan ishlab chiqilgan tashabbusdir. BSCI maqsadi jahon savdosida ijtimoiy javobgarlik monitoringini joriy etish orqali yetkazib beruvchi mamlakatlar faoliyatini barqaror ravishda yaxshilash uchun zamin yaratishdir. BSCI ta’minotchilarning ijtimoiy faoliyatini doimiy ravishda takomillashtirishga yo‘naltirilgan bo‘lib, bu sohada ilg‘or tajribalarni joriy etishga yetaklaydi.
BSCI axloq kodeksi BMTning Inson huquqlari umumjahon deklaratsiyasi qoidalariga, Xalqaro mehnat tashkiloti, BMTning bolalar huquqlari va ayollarga nisbatan kamsitishlarning barcha shakllariga barham berish to‘g‘risidagi konvensiyalari, BMTning Global shartnomasi, xalqaro miqyosdagi kompaniyalar uchun OECD tavsiyalari va boshqa tegishli xalqaro shartnomalarga asoslanadi.
Xalqaro Ijtimoiy Mas’uliyat tashabbusi (BSCI) maqsadlaridan kelib chiqqan holda, barcha ta’minotchilar ushbu kodeks talablariga muvofiqligi uchun ma’lum darajada baholanishi kerak. Taniqli sertifikatlashtirish organi tomonidan muvaffaqiyatli baholanish BSCI’ning 500 dan ortiq a’zosi bilan ishlash uchun zaruriy shartdir.
BSCI a’zolari dunyoga mashhur Adidas, Nike, Otto Group, H&H, Zara, Marks & Spencer, Primark, Lacoste va boshqalar kabi taniqli dunyo brendlar va kompaniyalardir.
Ikki yil oldin ham Uztex Group BSCI sertifikatidan o‘tgan va ushbu xalqaro standartga muvofiq B toifasiga ega bo‘lgan edi.
Yildan yilga O‘zbekiston taraqqiyot va farovonlik yo‘lidan dadil qadam tashlashda davom etmoqda va bu Prezident Shavkat Mirziyoyev tomonidan ilgari surilgan taraqqiyot yo‘li naqadar chuqur o‘ylangani va sodiqligidan dalolat beradi. Mamlakatda so‘nggi yillarda Prezident rahnamoligida amalga oshirilgan yangi islohotlar, shuningdek, keng qamrovda olib borilayotgan bolalar va majburiy mehnatdan foydalanishni taqiqlash siyosati va ularning qat’iy amalga oshirilayotgani tufayli Uztex Group bugungi kunda shunday natijalarga erishib kelmoqda va eng yuqori ko‘rsatkichlarni qo‘lga kiritdi.
BSCI ish etikasining 13 asosiy talabi va tamoyiliga muvofiq Uztex Group MChJ QK barcha toifalarda audit o‘tkazdi va eng yuqori mutlaq A toifasini oldi:
1. Ijtimoiy menejment tizimi
2. Xodimlarni jalb qilish va himoya qilish
3. Uyushmalar erkinligi va jamoaviy bitimlar to‘g‘risidagi qonun
4. Kamsitmaslik
5. Adolatli mukofot
6. Oddiy ish vaqti
7. Kasbiy salomatlik va xavfsizlik
8. Bolalar mehnatidan foydalanishni taqiqlash
9. Yosh ishchilar uchun maxsus himoya
10. Ishdan bosh tortish
11. Majburiy mehnatni taqiqlash
12. Atrof-muhitni muhofaza qilish
13. Biznes yuritishning axloqiy asoslari
BSCI a’zolari batafsil audit hisobotini “www.bsciplatform.org” platformasida ko‘rishingiz mumkin.
Saytimiz: “uztex.uz”
Reklama huquqi asosida.
Izoh (0)