Польша 2024 йилга келиб Россия газидан бутунлай воз кечади. «Korrespondent.net»нинг хабар беришича, бу ҳақда Польша ҳукуматининг стратегик энергия инфратузилмаси бўйича вакили Петр Наимский маълум қилган.
«Беш йилдан сўнг, яъни 2024 йилда бизда Норвегиядан фойдаланишга тайёр Baltic-Pipe газ қувури бўлади, Свиноуйсьцедаги терминал 50 фоизга кенгайтирилади. Россиянинг газ етказиб беришидан бутунлай озод бўламиз», — деган Наимский.
Унинг сўзларига кўра, Польша газни Қатар ва АҚШдан олади, мамлакатда Словакия ва Литва билан тизимлараро бирлашмалар ўрнатилади, шунингдек, Украина билан шартнома имзолаш кўзда тутилган.
Петр Наимский бу нафақат Польша, балки Марказий Европа учун ҳам газ етказиб бериш соҳасининг яхшиланишига олиб келишини айтган.
Эслатиб ўтамиз, Россия ва Польша 2022 йилгача газ этказиб бериш бўйича узоқ муддатли шартнома имзолаган. Бу муддат ўтгач, Варшава Россия газини АҚШ газига алмаштиради.
Изоҳ (0)