«Дарё»да чоп этилган «Оқдарёда хизматга чақирилиш муддатини қолдириш эвазига 100 доллар олган Мудофаа ишлари бўлими хизматчиси суд қилинганлиги» тўғрисида хабар юзасидан Оқдарё тумани мудофаа ишлар бўлими бошлиғи Ҳикмат Отаев ўз муносабатини билдирди.
— Ўзбекистон Республикаси Жиноят Кодексининг 25, 168-моддаси (фирибгарлик) 1-қисми ва 28, 211-моддаси (пора бериш) 1-қисми билан айбли деб топилган Ҳусниёр Тилавов Оқдарё тумани мудофаа ишлари бўлими ходими ҳисобланмайди, дейди Ҳикмат Отаев. — Оқдарё тумани ҳокимлиги томонидан 2012 йилнинг 17 декабрида Ҳусниёр Тилавов «Зарафшон» қишлоқ фуқаролар йиғинида ҳарбий ҳисоб вазифасига тайинланган. 2019 йилнинг 29 июнь куни эгаллаб турган лавозимидан озод этилган.
Жиноят ишлари бўйича Оқдарё тумани суди томонидан жорий йилнинг 13 август куни ўтказилган судда Ҳусниёр Тилавов ҳеч қаерда ишламаслиги баён этилган.
Ҳусниёр Тилавов хизмат вазифасига Оқдарё туманидаги «Оқдарё», «Пичоқчи», «Олчинтепа» ва «З.М.Бобур» маҳалла фуқаролар йиғини ҳудудлари бўйича ҳарбий ҳисобга олиш (ҳарбий хизматга мажбур фуқароларни ҳарбий сафарбарликка жалб қилиш, сафарбарлик чақирув резерви хизматига чақирилувчилар билан ҳарбий хизматни ўташ тўғрисидаги шартномаларни тузиш, махсус ҳисоб рақамга бадал тўловларини амалга оширилишини ташкиллаштириш каби вазифалар юклатилган) ваколати берилган.
Бироқ Ҳусниёр Тилавов ўзгаларга Мудофаа ишлари бўлими хизматчиси сифатида резервчилар ва ҳарбий хизматга мажбурларни хизматга чақирилиш муддатини кейинга қолдирувчи шахс сифатида намоён қилиб келган.
Изоҳ (0)