«Ермулккадастр»нинг Гулистон тумани бўлими масъул ходими 3000 доллар миқдорида пора олаётган вақтида ушланди. Бу ҳақда ЎзА хабар бермоқда.
«Ермулккадастр» Гулистон туман бўлими масъул ходими К.О. фуқаро А.К.га туман ҳудудидаги «Зарбдор» маҳалла фуқаролар йиғини ҳудудидан 6 сотих ер майдони ажратиб бериш эвазига 3000 доллар пул сўраган.
Кадастр бўлимининг масъул ходими 27 август куни айтган пулини олаётган вақтида ашёвий далиллар билан ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)