Туркманистоннинг Туркманобод шаҳрида 24—30 август кунлари Ўзбекистон ва Туркманистон Давлат чегараси делимитация ва демаркация масалалари бўйича Ўзбекистон—Туркманистон ҳукуматлараро қўшма комиссияси ишчи гуруҳларининг навбатдаги учрашуви бўлиб ўтди.
Ўзбекистон Ташқи ишлар вазирлигидан маълум қилишларича, икки мамлакат делегациялари Ўзбекистон—Туркманистон Давлат чегарасининг айрим участкаларида демаркация чизиғи лойиҳасини ўтказишга келишган ҳамда чегара демаркацияси бўйича норматив-ҳуқуқий ва техник ҳужжатлар лойиҳаларини якунлаган.
Учрашувда умумий Давлат чегарасида томонлар бажарадиган демаркация ишлари ҳажми ҳам келишилган. «Музокаралар якунларида Ўзбекистон ва Туркманистон делегациялари раҳбарлари Тўлқин Абдуллаев ва Мамед Мамедов тегишли протоколни имзолади», — дейилади ТИВ ахборотида.
Изоҳ (0)