Тошкент шаҳри ҳокимлигида Ҳиндистоннинг Minerva world of knowledge МЧЖ мутасаддилари билан учрашув бўлиб ўтди. Бу ҳақда шаҳар ҳокимлиги матбуот хизмати хабар берди.
Кўптармоқли фаолият йўналишига эга мазкур компания қурилиш соҳасида етакчилардан ҳисобланади.Тошкент шаҳрига хорижий инвесторларни жалб қилиш, улар билан ҳамкорликда қўшма лойиҳаларни амалга ошириш йўналишида олиб борилаётган кенг кўламли ишлар қатори мазкур компания билан ҳам 4 ой давомида қатор музокаралар ўтказилди.
Натижада Тошкент шаҳри ҳокимлиги ва Minerva world of knowledge МЧЖ раҳбари Жалан Мурали Лал ўртасида умумий қиймати 500 миллион АҚШ доллари миқдоридаги инвестиция келишуви имзоланди.
Унга кўра, яқин 5 йил давомида пойтахтнинг Сергели туманида аҳоли турар жойлари, янги университет, тиббиёт ва спорт мажмуаси, мактабгача таълим муассасаси, савдо-кўнгилочар мажмуа ва ётоқхоналар қурилади.
Изоҳ (0)