Toshkent shahri hokimligida Hindistonning Minerva world of knowledge MChJ mutasaddilari bilan uchrashuv bo‘lib o‘tdi. Bu haqda shahar hokimligi matbuot xizmati xabar berdi.
Ko‘ptarmoqli faoliyat yo‘nalishiga ega mazkur kompaniya qurilish sohasida yetakchilardan hisoblanadi.Toshkent shahriga xorijiy investorlarni jalb qilish, ular bilan hamkorlikda qo‘shma loyihalarni amalga oshirish yo‘nalishida olib borilayotgan keng ko‘lamli ishlar qatori mazkur kompaniya bilan ham 4 oy davomida qator muzokaralar o‘tkazildi.
Natijada Toshkent shahri hokimligi va Minerva world of knowledge MChJ rahbari Jalan Murali Lal o‘rtasida umumiy qiymati 500 million AQSh dollari miqdoridagi investitsiya kelishuvi imzolandi.
Unga ko‘ra, yaqin 5 yil davomida poytaxtning Sergeli tumanida aholi turar joylari, yangi universitet, tibbiyot va sport majmuasi, maktabgacha ta’lim muassasasi, savdo-ko‘ngilochar majmua va yotoqxonalar quriladi.
Izoh (0)