Тожикистон президенти Эмомали Раҳмоннинг буйруғига кўра, мамлакат пойтахтида «Сиёма» ичимликлар ва алкогол маҳсулотларни ишлаб чиқариш заводи очилди, деб хабар беради Sputnik.
Ҳозирги вақтда заводда 100 киши ишламоқда. 25 нафар хорижий мутахассис яна 160 кишини ўқитмоқда. Сув Душанбедан 55 километр узоқликда бўлган Сиёма дарёсидан олинади.
Тожикистон Фанлар академияси Иқтисодиёт ва демография институти бўлими мудири Хожамахмад Умаров «Сиёма» суви экспорти ҳақида ўз фикрларини айтди.
«Тожикистон Ўзбекистон жанубий вилоятларига сувни экспорт қилиши мумкин. Агар тожик-афғон чегараси хавфсиз бўлганида, Афғонистон шимолий вилоятларига экспорт қилиш мумкин эди. Бу сув микрокристал тузилишга эга, у одам қон томир тизимини тозалаш учун фойдалидир. Бундан ташқари, бу сув жуда мазали ва у олинадиган дарё Марказий Осиёда жуда машҳур», — деди мутахассис.
Изоҳ (0)