Малайзия Олий суди собиқ бош вазир Нажиб Разакка нисбатан 1МДБ давлат инвестицион фондининг қарийб 547 миллион доллари миқдоридаги маблағни ўзлаштиргани юзасидан жиноий ишни кўришни бошлади.
«ТАСС»нинг ёзишича, илгари гаров эвазига озод этилган судланувчи унга қўйилган барча айбловларни рад этиб, унинг замирида сиёсий сабаблар яширинганини таъкидламоқда. Қайд этилишича, биринчи куни 6 нафар гувоҳ сўроқ қилинади. Умумий ҳисобда тергов жараёнига 60 дан ортиқ гувоҳлар чақирилади.
Унга нисбатан бир неча айбловлар бўйича камида 20 йил муддатга озодликдан маҳрум этиш, шунингдек, ротанг таёғи билан савалаш кўринишидаги жисмоний жазо чоралари кўзда тутилган.
Малайзияда содир этилган ҳаракатларни умумлаштириб эмас, ҳар бир жиноят учун алоҳида-алоҳида жазо тайинлаш тизими мавжуд. Бундан ташқари, етказилган зарарнинг беш баравари миқдорида жарима солиниши мумкин.
Изоҳ (0)