Хитойнинг Цзянси вилоятида шифокорлар беморнинг миясидан ўн сантиметр узинликдаги қуртни чиқариб олди. Бу ҳақда AsiaOne ахборот портали хабар берди.
59 ёшли эркак 30 йил қаттиқ бош оғриғидан азият чекди, аммо унинг сабабини топа олмади. Унинг сўзларига кўра, 1989 йилда у карта ўйнаётган пайтда бирдан ўзини ёмон ҳис қилган: оёқ-қўллари титраган ва оғзидан кўпик чиққан. Оила аъзолари уни маҳаллий шифокорларга олиб броган. Шифокорлар унга эпилепсия ташхисини қўйган ва даволанишни буюрган.
Дори-дармонларни қабул қилишига қарамай, эркак барибир вақти-вақти билан тутқаноқлар ва бош оғриғидан шикоят қилди. Вақт ўтиши билан унинг соғлиғи яхшиланишига умид қилди. 2015 йилда у яшаган қишлоқ ёнғин остида қолди. Ёнғинни ўчиришга ҳаракат қилган хитойлик яна бир жиддий тутқаноққа дуч келди.
Эркак бир неча бор шифокорларга мурожаат қилган, аммо ҳар сафар унга бир хил ташхис қўйилган. Фақат 2019 йил июль ойида шифокорлар беморга МRT ва қон тестини ўтказди. Натижада унинг миясида паразит топишди. Жарроҳлар бемор миясини операция қилиб, қуртни олиб ташлашга муваффақ бўлди.
Шифокорларнинг тахмин қилишича, паразит табиий сув ҳавзаларидан хом сув ичиши оқибатида беморнинг организмига кирган бўлиши мумкин.
Изоҳ (0)