Франция президенти билан учрашувда оёғини стол устига қўйган Борис Жонсон кескин танқидларга учради (видео)

Буюк Британия бош вазири Борис Жонсон Франция президенти Эммануэл Макрон билан Елисей саройида бўлиб ўтган учрашув вақтида оёғини стол устига қўйди, деб хабар беради Business Insider.

Британия ҳукумати раҳбарининг ушбу ҳаракати ижтимоий тармоқларда кескин баҳс-мунозараларга сабаб бўлди. Хусусан, Жонсоннинг биографи Соня Пернелл унинг қилиғини «қўпол ва уятли» деб атади. «Тасаввур қилинг, Макрон оёғини Букингем саройидаги столга қўйса», — деб ёзади Пернелл.

WATCH: Here’s the Reuters video of Boris Johnson putting his foot on the Elysee furniture. It seems President Macron was making small talk suggesting the table would work equally well as a footstool should the PM want to recline, which Johnson then jokingly does pic.twitter.com/dnv37t9mS4

— Tom Rayner (@Tom_Rayner) August 22, 2019

Sky News мухбирининг ёзишича, бош вазир бу орқали шунчаки ҳазиллашган. «Макрон столдан оёқ қўйиш учун ҳам фойдаланиш мумкинлигини таклиф қилган, Жонсон эса ҳазиллашиб, буни амалга оширган», деб ёзади мухбир.