Xitoyning Tszyansi viloyatida shifokorlar bemorning miyasidan o‘n santimetr uzinlikdagi qurtni chiqarib oldi. Bu haqda AsiaOne axborot portali xabar berdi.
59 yoshli erkak 30 yil qattiq bosh og‘rig‘idan aziyat chekdi, ammo uning sababini topa olmadi. Uning so‘zlariga ko‘ra, 1989-yilda u karta o‘ynayotgan paytda birdan o‘zini yomon his qilgan: oyoq-qo‘llari titragan va og‘zidan ko‘pik chiqqan. Oila a’zolari uni mahalliy shifokorlarga olib brogan. Shifokorlar unga epilepsiya tashxisini qo‘ygan va davolanishni buyurgan.
Dori-darmonlarni qabul qilishiga qaramay, erkak baribir vaqti-vaqti bilan tutqanoqlar va bosh og‘rig‘idan shikoyat qildi. Vaqt o‘tishi bilan uning sog‘lig‘i yaxshilanishiga umid qildi. 2015-yilda u yashagan qishloq yong‘in ostida qoldi. Yong‘inni o‘chirishga harakat qilgan xitoylik yana bir jiddiy tutqanoqqa duch keldi.
Erkak bir necha bor shifokorlarga murojaat qilgan, ammo har safar unga bir xil tashxis qo‘yilgan. Faqat 2019-yil iyul oyida shifokorlar bemorga MRT va qon testini o‘tkazdi. Natijada uning miyasida parazit topishdi. Jarrohlar bemor miyasini operatsiya qilib, qurtni olib tashlashga muvaffaq bo‘ldi.
Shifokorlarning taxmin qilishicha, parazit tabiiy suv havzalaridan xom suv ichishi oqibatida bemorning organizmiga kirgan bo‘lishi mumkin.
Izoh (0)