22 август куни соат 10:58 да Навоий вилояти Зарафшон шаҳри 2-кичик туман 28-уй 15-хонадонда ёнғин бўлаётганлиги ҳақида ёнғин-қутқарув хизматига хабар келиб тушган, деб хабар берди ФВВ ЁХББ ОАВ билан ҳамкорлик қилиш бўлинмаси.
Воқеа жойига зудликда 2 та ёнғин ўчириш бўлинмалари ва 1 та автонарвон юборилган. Бўлинмалар воқеа жойига соат 11:04 да етиб бориб, ёнғин соат 11:12 да қуршаб олинган ва соат 11:15 да ўчирилган. Ёнғиндан уйнинг 12 квадрат метр майдони сақлаб қолинган.
Ёнғин ўчирувчилар томонидан кўрилган тезкор ҳаракатлар натижасида тутун билан қопланган қўшни хонадондаги 2 нафар ўспиринлар 2007 йилда туғилган Бобур ва 2005 йилда туғилган Хонзода Ҳамидовалар қутқариб қолинган. Ёнғиннинг келиб чиқиш сабаби ва моддий зарар миқдори аниқланмоқда.
Изоҳ (0)