Англия Премьер лигаси клублари 2019 йил ёзги трансферлар мавсумида қанча маблағ сарфлагани очиқланди, дея хабар қилмоқда Тransfermarkt.
Маълум бўлишича, Англия олий дивизиони вакиллари трансферларга жами 1,386 миллиард фунт сарфлади.
Ушбу трансфер ойнасида энг қиммат харидни «Манчестер Юнайтед» амалга оширди. Манкунианлар «Лестер»дан Ҳарри Магуайрни 78,3 миллион фунтга сотиб олди. Иккинчи ўринни «Лилль»дан Николя Пепени харид қилган (72 миллион фунт) «Арсенал» эгаллади.
Кейинги икки ўриндан «Манчестер Сити»нинг харидлари жой олди. «Шаҳарликлар» «Атлетико»дан ярим ҳимоячи Родрини (63 миллион фунт) ва «Ювентус»дан ҳимоячи Жоау Канселуни (58,5 миллион фунт) сотиб олди. Кучли бешликни «Лион»дан 54 миллион фунт эвазига «Тоттенҳэм»га ўтган Танги Ндомбеле трансфери якунлаб берди.
Маълумот ўрнида, Премьер лига клублари 2017 йилги мавсумда трансферларга рекорд даражада кўп пул (1,455 миллиард фунт) сарфлаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)