7 август, чоршанба куни Тошкентда таэквондо бўйича кадетлар ўртасида IV Жаҳон чемпионати баҳсларига старт берилди.
Мазкур мусобақада жаҳоннинг 6️7️ та мамлакатидан келган 8️5️0️ дан ортиқ спортчи ҳамда мураббий иштирок этмоқда.
«Универсал» спорт мажмуасида Жаҳон чемпионатининг тантанали очилиш маросими бўлиб ўтди.
«Барча иштирокчиларни мусобақа очилиш маросими билан муборакбод этаман. Сизлар аллақачон ғолибсизлар, сабаби Жаҳон чемпионатида иштирок этишнинг ўзи катта ғалаба. Ушбу мусобақада қатнашаётган таэквондочиларга 2020 йил Токиодаги ёки 2024 йил Париж мезбонлик қиладиган Олимпиадага чиқишларини тилайман», — деди Бутунжаҳон таэквондо федерацияси президенти Чунгвон Чой.
Сўнгра расмий қасамёд маросими бўлиб ўтди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)