Давлатимиз раҳбарининг жорий йил 14 февралдаги “Томорқа ер эгалари ва деҳқон хўжаликлари фаолиятида замонавий ташкилий тизимни жорий қилиш ва молиявий қўллаб-қувватлашнинг қўшимча чора-тадбирлари тўғрисида”ги Фармони ҳамда “Uzagrostar xolding” компанияси фаолиятини ташкил этиш тўғрисида»ги қарори билан янгича тизимга асос солинди. Мазкур муҳим ҳужжатларнинг ижроси юзасидан тизимли ишлар олиб борилмоқда.
Хусусан, “Uzagrostar xolding” компанияси устави, ташкилий тузилмаси ва раҳбарияти тасдиқланиб, жамият давлат рўйхатидан ўтказилди. Худудларда компаниянинг 10 та Лойиҳа офислари ташкил қилинди.
Шунингдек, 6 та ихтисослашган компанияларнинг устави, ташкилий тузилмаси ва раҳбарлари тасдиқланиб, давлат рўйхатидан ўтказилди.
Ҳозирда ихтисослашган компанияларни тижорат банкларига ишончли бошқарувга бериш бўйича ҳужжат лойиҳалари ишлаб чиқилган.
-c52HuRT-.jpg)
“Бизнесни ривожлантириш банки” АТБ Бошқаруви раиси янги тузилган Томорқа ер эгалари ва деҳқон хўжаликлари фаолиятини ривожлантириш ва қишлоқ хўжалиги маҳсулотлари ишлаб чиқаришни кенгайтириш бўйича Кенгашнинг ҳам раиси этиб тасдиқланди. Шундан келиб чиқиб банкнинг марказий идорасида Томорқа бизнесини ривожлантириш департаменти ва ҳудудларда тегишли бўлим ва шўбалар ташкил этилиб, малакали ходимлар билан бутланди.
Куни кеча “Янгийўл Агро стар” МЧЖга қамраб олинадиган туман сифатида бириктирилган Асака туманида Иқтисодиёт ва молия вазирлиги, Кенгаш ва “Uzagrostar xolding” компанияси раҳбарияти иштирокида амалий мулоқотлар ўтказилди.
Хусусан, Осиё тараққиёт банкининг Ўзбекистондаги ваколатхонаси қишлоқ хўжалиги ва табиат ресурслари масалалари бўйича катта иқтисодчиси Леонард Леунг, халқаро эксперт-агрономлар — Марина Станкович (Сербия), Чингиз Ялчин (Туркия) билан учрашув бўлиб ўтди. Мулоқот якунида ҳудудларда мазкур халқаро экспертлар билан ҳамкорликда ишлаш бўйича келишувга эришилди.
-h1aQd3Z2.jpg)
Жорий йил 24 февраль куни Кенгаш аъзолари ҳамда Қишлоқ хўжалиги вазирлиги ҳамкорлигида “Қишлоқ хўжалигидаги билим ва инновациялар маркази”да қишлоқ хўжалиги вазирлиги тизимидаги илмий-тадқиқот институтлари олимлари томонидан аҳоли томорқалари ва ижара ер майдонларида “Хонадонбай” усулида амалга оширилаётган лойиҳалар юзасидан тақдимот ўтказилди. Тадбир давомида республикадаги етакчи олим ва агрономларни танлаб олинган йўналишларга бириктиришга келишиб олинди.
Жойларда белгиланган вазифалар бўйича олиб борилаётган ишларни тизимли ташкил этиш мақсадида “Uzagrostar xolding” компаниясида ихтисослашувдан келиб чиққан ҳолда тегишли тижорат банклари мутахассисларидан иборат доимий ишловчи Гуруҳ фаолияти йўлга қўйилди.
Реклама ҳуқуқи асосида.
Изоҳ (0)