2025 йил 10 февраль куни Ипак Йўли Банки Ўзбекистонда кичик ва ўрта бизнесни қўллаб-қувватлаш ва ривожлантириш мақсадида Голландия тадбиркорликни ривожлантириш банки – FМО дан 100 миллион АҚШ доллари миқдорида кредит жалб қилиш учун битим имзолади.
Ушбу битим банкка кичик ва ўрта бизнес лойиҳаларини фаол молиялаштириш, энергия самарадорлигини ошириш ва қайта тикланадиган энергия манбаларини ривожлантиришга қаратилган ташаббусларни қўллаб-қувватлаш ҳамда мамлакатда ёш ва аёл тадбиркорлар фаолиятини кенгайтириш учун маблағ ажратиш имконини беради. Ҳамкорлик дастури доирасида кредит маблағлари мулти-валюта шаклида тақдим этилиб, қарзни АҚШ доллари ёки миллий валютада олиш мумкин бўлади.
“Биз 2013 йилдан бери FМО мижози бўлган Ипак Йўли Банки учун ушбу янги узоқ муддатли инвестиция кредити билан фахрланамиз. Банк барқарор молиялаштириш ва молиявий инклюзияга йўналтирилган стратегик ҳамкор сифатида ривожланди. Кредит экологик лойиҳалар, ёш ва аёл тадбиркорларни молиялаштириш учун ишлатилиши FМОнинг тенгсизликни камайтириш ва иқлимни ҳимоя қилиш мақсадларига мос келади. Ипак Йўли Банки жамоасига ажойиб ҳамкорлик учун раҳмат”, деди Хейб-Ян де Руйтер, FМО инвестициялар бўлими ҳамраҳбари.
“Ушбу келишув банкларимиз ўртасидаги ҳамкорликни мустаҳкамлашда муҳим қадам бўлиб, яшил лойиҳалар ва тенгсизликни камайтиришга қаратилган ташаббусларни, шу жумладан микробизнес, ёшлар ва аёллар бошчилигидаги кичик ва ўрта корхоналарни қўллаб-қувватлайди. Бу ресурслар янги иш ўринлари яратишга, айниқса ёшлар ва аёллар раҳбарлигидаги бизнесларга ёрдам беради”, деди Саидаброр Сайдахмедов, Ипак Йўли Банки бошқаруви раиси.
Ипак Йўли Банкининг FМО билан ҳамкорлиги 2013 йилда 13 миллион долларлик кредитдан бошланган эди. Ўшандан бери етти кредит битими имзоланди ва умумий жалб қилинган маблағ 191 миллион долларга етди.
FМО ҳақида
FМО – Голландия тадбиркорликни ривожлантириш банки. Ижтимоий таъсирга йўналтирилган етакчи инвестор сифатида FМО ривожланаётган мамлакатларда хусусий секторнинг барқарор ўсишини қўллаб-қувватлайди. Кучли хусусий сектор иқтисодий ва ижтимоий ривожланишга ёрдам беради деб ҳисоблаган FМО 50 йилдан ортиқ тажрибага эга. Банк агробизнес, озиқ-овқат ва сув, энергия ва молиявий институтлар каби соҳаларга эътибор қаратади. 85 дан ортиқ мамлакатда 13 миллиард эврога яқин портфели билан FМО дунёдаги энг йирик икки томонлама хусусий сектор банкларидан биридир.
Қўшимча маълумот: www.fмо.nl
Реклама ҳуқуқи асосида.
Изоҳ (0)