Ўзбекистондаги BYD расмий дилери — BYD Astana Motors мижозлар билан ўзаро алоқани ривожлантириш лойиҳаси доирасида мини-футбол мусобақасини ташкил этди

Мижозларга эътибор — Astana Motors фаолиятидаги асосий тамойил. Компанияда ўз харидорларини тинглаш ва эшитиш, улар билан ҳамфикр бўлиш, энг сифатли хизматни тақдим этиш, ягона жамоа, катта оилага айланиш муҳим вазифа деб ҳисобланади.

Мижозлар билан ўтказиладиган тадбирлар нетворкингни энг самарали йўлга қўйиш имконини беради.

BYD Astana Motors академияси, Оилавий кун, энди эса спорт мусобақалари - мижозларга яқинроқ бўлиш учун ажойиб имкониятдир.

23 февраль куни дилерлик тармоғи ходимлари жамоалари ҳамда Chazor DM-i ҳамжамияти аъзолари бўлган мижозлар ўртасида биринчи турнир ўтказилди.

Рақобат руҳи майдонни бир лаҳза ҳам тарк этмади! Спортчилар ўз маҳоратларини ва жамоавий бирдамликларини намойиш этишди. Ўйиннинг ҳар бир дақиқаси кураш ва ғалабага интилиш билан тўла эди.

Турнирни бошқарган профессионал ҳакам, тадбирнинг ўзига хос жиҳатларини ҳисобга олган ҳолда тайёрланган зиёфат, спортчилар ва мухлислар учун махсус кийимлар, хуллас, ҳар бир тафсилотнинг пухта ўйланганлиги ҳамда, албатта, ҳис-туйғуларнинг жўшқинлиги якшанба кунини ҳақиқий спорт ва дўстлик байрамига айлантирди.

Тўртта ўйин натижасида ғолиб аниқланди - бу BYD Sergeli жамоаси бўлди. Бироқ, совғаларсиз ҳеч ким қолмади. Спортчилар ҳам, мухлислар ҳам кичик, аммо ёқимли совғалар, ёрқин таассуротлар, ажойиб кайфият ва ижобий ҳис-туйғуларга эга бўлишди. Келажакда компания бундай мусобақалар учун спорт турлари рўйхатини кенгайтиришни режалаштирмоқда.