Қирғизистонда жойлашган Абу Али ибн Сино чўққисида ҳалок бўлган россиялик турист Ички ишлар вазирлигининг ҳуқуқий департамент бошлиғи ўринбосари генерал майор Иван Иванов бўлиб чиқди, деб хабар беради «ТАСС».
Идоранинг таъкидлашича, генерал альпинизмга қизиққан. «Жорий йилги таътилида у Қирғизистондаги чўққини забт этиш учун отланди. Нохуш ҳодиса у тоғдан тушаётганида содир бўлган», — дейилади хабарда.
Маълумотларга кўра, россияликнинг жасади чўққидан олиб тушилган.
45 ёшли россиялик туристнинг йўқолгани ҳақидаги хабарлар июль ойининг охирида пайдо бўлган эди. Чўққидан тушиш вақтида у алоқага чиқмай қўйган. Кейинроқ Иванов вафот этгани маълум бўлган. Унинг жасади 6,2 минг метр баландликдан топилган.
Изоҳ (0)