Чилонзор тумани 16-мавзеда жойлашган «Nika Farm Servis» дорихонасидан 28 июль куни тунги соат 01:30 да Миллий гвардия Қўриқлаш бошқармаси мониторинг марказига «ташвиш» хабари келиб тушган. Мазкур хабар масъул ходимлар томонидан ушбу ҳудудда хизмат олиб бораётган тезкор ҳаракатланувчи гуруҳга зудлик билан етказилган.
Тезкор гуруҳ ходимлари воқеа жойига етиб борганида юқорида номи қайд этилган дорихонанинг кириш эшиги қулфи бузилгани маълум бўлган.
Дорихонага ўғрилик мақсадида кирган ва воқеа жойидан яширинишга ҳаракат қилган номаълум шахс тезкор ҳаракатланувчи гуруҳ томонидан қўлга олиниб, тумандаги 5 сонли ИИБга топширилган.
Дастлабки суриштирув ишлари натижасида ушбу номаълум шахс 1991 йилда Сирдарё вилоятида туғилган М. Х. эканлиги аниқланган. Ҳолат юзасидан тумандаги Ички ишлар идораси ходимлари томонидан суриштирув ишлари олиб борилмоқда.
Изоҳ (0)