«Қатар СК» клуби аъзосига айланган Ўзбекистон миллий терма жамоаси ярим ҳимоячиси Сардор Рашидов янги жамоасидаги илк таассуротлари ва келажакдаги режалари билан ўртоқлашди.
Португалия чемпионатида ўйнаш орқали Европа футболи ҳавосидан нафас олишга эришдим ва бундан хурсандман. Ана энди бор диққат-эътиборимни «Қатар СК» билан муваффақиятларга эришиш ва гранд клубларга етарлича қаршилик кўрсатишга қаратаман.Эслатиб ўтамиз, 28 ёшли футболчи 29 июль куни Португалиянинг «Насионал» клубидан Қатарнинг «Қатар СК» жамоасига ўтганди. Қайд этиш жоиз, жиззахлик ярим ҳимоячи фаолияти давомида «Сўғдиёна», «Бунёдкор», «Ал-Жаиш» (Қатар), «Ал-Жазира» (БАА), «Локомотив», «Насионал» (Португалия) клублари сафида тўп сурди.Айни пайтда «Қатар СК» Мадридда йиғин ўтказмоқда. Ушбу йиғин 8 август куни якунига етади. Унга қадар бир нечта ўртоқлик ўйинларини ўтказамиз. Мақсадимиз — янги мавсумга қадар имкон қадар тезроқ юқори спорт формасига кириш. Қатарда мазмунли ўйин кўрсатиш орқали ўзимга янада ишонч олиб, терма жамоамизга яқинда бошланадиган саралаш баҳсларида ёрдам беришга ҳаракат қиламан.
Қатар чемпионати мен учун бегона эмас, бу ерда тўп суришни рости соғинган эдим. «Қатар СК»га ўтишимда илгари мен фаолият олиб борган «Ал-Жаиш»даги танишларимнинг ҳам ҳиссаси катта бўлди. Насиб этса, ушбу клуб сафида ажойиб ўйин намойиш этишга ҳаракат қиламан.
Сардор Рашидов, «Қатар СК» клуби аъзоси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)