Россиянинг Сибирь ўлкасида кучли ўрмон ёнғинлари содир бўлмоқда. Ушбу муносабат билан Иркутск, Красноярск, Бурятия ва Якутиянинг алоҳида ҳудудларида фавқулодда ҳолат эълон қилинган, деб маълум қилади Sputnik.
«Бугунги кун ҳолатида ўрмон ёнғинларининг умумий майдони 2,7 миллион гектарни ташкил қилади. Бу ўтган йилга нисбатан 12 фоизга кўп», — дейилган хабарда.
Бош вазирнинг табиат ресурслари бўйича ўринбосари Дмитрий Кобилкин айтишига қараганда, бу йилги ўрмон ёнғинларининг асосий сабаби — юқори ҳаво ҳароратининг (+30 дан юқори) узоқ муддат давомида сақланиб туриши, ёғингарчилик камлиги ва қуруқ чақмоқлар.
Мутахассислар Сибирь ва Тайга ўрмонларида 500 дан ортиқ ёнғин ўчоғларини аниқлаган. Асосий ўрмон ёнғин пайдо бўлган ҳудудлар аҳоли яшайдиган пунктлардан йироқ, техника етиб бориши қийин бўлган ҳудудларда жойлашгани туфайли уларни ўчиришнинг иложи йўқ.
Айни дамда Фавқулодда вазият вазирлигининг 95% ходимлари ва кучлари ушбу ёнғинларни ўчиришга сафарбар қилинган. Россия Гидрометеорология маркази тутунлар тарқалишини назорат қилиб, аҳоли пунктларида ҳаво тозалигини текшириб турмоқда.
Изоҳ (0)