Россияликларнинг 38 фоизи Владимир Путиннинг амалдаги ваколати тугаганидан кейин қайта президентликка сайланишига қарши. «Ведомости»нинг ёзишича, бу «Левада-марказ» томонидан ўтказилган сўровнома натижаларидан маълум бўлган.
Қайд этилишича, сўнгги йилларда бундай жавоб берганлар сони 11 фоизга ортган, лекин 38 фоиз бу рекорд даража эмас. 2012 йилнинг октябрь ойида бу кўрсаткич 40 фоиз, 2013 йилнинг октябрида эса 45 фоиз бўлган.
Сўровномада иштирок этганларнинг 54 фоизи Путинни 2024 йилда Кремлда қолдириш тарафдори. Сўнгги марта бундай юқори кўрсаткич 2017 йилнинг августида кузатилган (67 фоиз). Жавоб беришга иккиланганлар эса 8 фоизни ташкил этган. Аввалроқ бу кўрсаткич 14 фоиздан 26 фоизгача бўлган.
Владимир Путин 2018 йилнинг март ойида тўртинчи марта президентликка сайланган. Амалдаги Конституцияга кўра, у 2024 йилда бўлиб ўтадиган сайловларда президентликка номзод бўлолмайди.
Изоҳ (0)