Ukraina davlat chegara xizmati Rossiya FXXning chegarachilarini Azov dengizida provokatsion harakatlarni amalga oshirishda aybladi, deb xabar beradi Meduza.
Idoraning ta’kidlashicha, 24-iyuldan boshlab kechasi FXX qirg‘oqbo‘yi qo‘riqlash xizmatining kemasi bir necha daqiqa Ukraina dengiz qo‘riqlash xizmatiga qarashli katerni yashil chiroq bilan yoritmoqda. Buning odamlar va texnikaga hech qanday zarari yo‘q, biroq chegarachilar shaxsiy tarkibning sog‘lig‘i va hayotini himoya qilish bo‘yicha chora ko‘rgan.
Rossiya Davlat dumasining mudofaa masalalari bo‘yicha qo‘mitasi raisi o‘rinbosari Yuriy Shvitkin chegarachilarning mazkur bayonotini “ahmoqona safsata” deb atadi. Harbiy-dengiz flotining jangovar faxriylar xizmati ittifoqi raisi Viktor Bliton esa “matroslardan biri lazer ko‘rsatkich bilan sho‘xlik” qilgan bo‘lishi mumkin demoqda. Harbiy ekspert Mixail Timoshenko sodir bo‘lgan voqeani “xushchaqchaq ekipajning sho‘xligi” deb atadi.
Ukraina IIV boshlig‘i Arsen Avakov 2018-yilning mayida “bosqinchi Rossiya” ukrain chegarachilariga qarshi “jangchilarning ko‘z qorachig‘iga zarar yetkazadigan lazer qurollardan foydalanmoqda” degan edi.
Izoh (0)