Хитой давлат кенгаши томонидан эълон қилинган Оқ китобда Шинжон уйғурларининг исломни қабул қилиши ихтиёрий танлов эмас, диний урушлар натижаси эканлиги айтилди, деб хабар бермоқда “Zakon.kz”.
«Шинжонга исломнинг кириб келиши Араб халифалигининг гуллаб-яшнаши ва исломнинг ғарбдан шарққа кириб келиши билан боғлиқ. Уйғурларнинг исломни қабул қилиши ихтиёрий танлов эмас, ҳукмдор синфларнинг таъсири, диний урушлар натижасидир», — дейилади ҳужжатда.
Таъкидланишича, бу мажбурлов уйғурларнинг исломни қабул қилиш ҳуқуқини камситмайди, аммо бу тарихий ҳақиқат ҳисобланади. «Ислом уйғурларнинг асл ва ягона дини эмас», — дейилади Оқ китобда.
Қўшимча қилинишича, бугунги кунда уйғурларнинг аксарияти бошқа динларга ҳам эътиқод қилади ёки умуман ҳеч бир динга эътиқод қилмайди.
БМТ томонидан 2018 йилнинг августида Хитойнинг Шинжон-Уйғур мухтор туманидаги жазо муассасаларида камида бир миллион уйғурларнинг сақланиб келиши ҳақида маълум қилган. Хитой ТИВ эса бу маълумотларни сафсата ва сохта ахборот деб атаган.
Изоҳ (0)