Уч нафар Ўзбекистон фуқароси Қозон шаҳрида 25 ёшли Ильнар Багаутдиновни ўлдирганликда айбланмоқда, деб хабар беради «NUZ.uz».
25 ёшли таксичи йўловчиларни Ижевскка олиб боришга рози бўлган. Бироқ улар ёвуз ниятли ўғри бўлиб чиққан ва таксичининг ўлимига сабаб бўлган. Ўз қурбонини бўғиб ўлдирган жиноятчилар кейин олиб кетиш мақсадида автомобилни яшириб қўйган. Ҳозирда уларга 20 йил қамоқ жазоси белгиланиши мумкин. Ильнар ишлаган «Максим» такси хизмати эса унинг оиласига товон пули тўлашдан бош тортган, чунки Багаутдинов буюртмани сервис орқали эмас, ўзи мустақил қабул қилган.
24 июль куни Ильнарнинг LADA Granta автомобили ва унинг жасади топилган. Бунга қадар ҳайдовчи бедарак йўқолган деб келинаётган эди.
Маълумотларга кўра, жиноятда гумонланаётган уч нафар шахс Ўзбекистон фуқароси бўлиб, уларнинг ёши 30 лар атрофида. Тергов версияси бўйича улар автомобилга эгалик қилиш мақсадида таксичини ўлдирган.
Олдиндан тайёрлаб қўйилган кабеллари ёрдамида Илнарни бўғиб ўлдириб, унинг жасадини йўл ёқасидаги ўрмонга кўмиб кетишган. Автомобилни эса кейинроқ олиб кетиш мақсадида ўша ерда қолдиришган.
Изоҳ (0)