Косово бош вазири Рамуш Харадинай истеъфога чиқди. 19 июль куни ҳукумат мажлисида Харадинай томонидан ўқилган ариза унинг Facebook’даги саҳифасида эълон қилинди, деб хабар беради «Korrespondent.net».
«Сизларга шуни маълум қиламанки, бугун истеъфога чиқиш қарорини қабул қилдим. Мен Косовода содир этилган ҳарбий жиноятларни текшириш бўйича Гаагадаги махсус судга гумонланувчи сифатида сўроқ қилиниш учун чақирилганим сабаб истеъфога чиқдим. Бош вазир ва мамлакат обрўсига путур етмаслиги керак, шу сабабли сўроққа бош вазир эмас, оддий фуқаро сифатида бораман», — дейди Харадинай.
Унинг таъкидлашича, ҳукумат ўз функцияларини бажаришни давом этади ва президент қонун доирасида янги сайловларни белгилаб беради.
Шунингдек, Харадинай ўз нутқида Сербия билан келишувга эришиш хато йўл эканлигини қайд этиб ўтди. У ўз ҳукумати томонидан серб товарларига белгиланган 100 фоизли бож тўловлари бекор қилинишига қарши.
Косово бўйича махсус трибунал 2015 йилда Гаагада ҳарбий жиноятларни тергов қилиш учун ташкил этилган. Махсус суд 2000 йилдан буён ўлдирилган 500 нафардан ортиқ сербиялик бўйича тергов олиб бормоқда.
Изоҳ (0)