AnTuTu июнь ойининг энг самарали Андроид смартфонлар тўпламини эълон қилди. Spot’нинг хабар беришича, кучли 10 таликнинг биринчи поғонасини OnePlus 7 Pro эгаллади. У ўртача 371,000 балл тўплади. Қурилма Snapdragon 855 процессори ва 6/8/12 ГБ оператив хотира билан ишлайди.
Бундан ташқари, унда 6,67 дюймли ва кадрларни 90 Гц частотада янгилайдиган QHD+ дисплей ўрнатилган. Янгилик Warp Charge 30 (20 дақиқа давомида 50 фоиз) тезда қувватлагичи, UFS 3.0 хотираси ва учта асосий камерага эга.
Иккинчи ва учинчи ўринни Xiaomi смартфонлари эгаллади: Mi 9 (369 минг балл) ва Black Shark 2 (366 минг балл).
Кейинги ўринларда Redmi К20 Pro, OnePlus 7, Sony Хperia 1, LG V50 ThinQ 5G, Samsung Galaxy S10+ (Exynos 9820 чипи), Galaxy S10 5G (Exynos 9820 чипи) ва Galaxy S10 (Exynos 9820 чипи) жойлашди.
Изоҳ (0)