Google янги смартфонларини тақдим этди. Уларнинг нархи 399 ва 479 долларга тенг (видео)

Google компанияси ихтирочилар учун ўтказилган I/О 2019 анжумани доирасида Pixel 3а ва Pixel 3а XL смартфонларини тақдим этди. Янги қурилмалар 2018 йилнинг кузида сотувга чиққан Pixel 3 ва Pixel 3 XL’нинг бюджет версиялари ҳисобланади, дея хабар қилади Meduza.

Мазкур смартфонлар 8 мегапикселли фронтал ва 12 мегапикселли асосий камера (техножурналистлар ушбу камераларни бозордаги энг яхшиларидан бири деб ҳисобламоқда) билан жиҳозланган. Хотираси 64 гигабайтдан 128 гигабайтгача. Pixel 3а’нинг аккумулятор сиғими 3000 мА/соат, Pixel 3а XL’ники эса 3700 мА/соатга тенг.

Here’s the whole picture: #pixel3a, a radically helpful, gorgeously designed phone for everyone. Starting at just $399. #io19 pic.twitter.com/1KKB2m3PJc

— Made by Google (@madebygoogle) May 7, 2019

Смартфонлар 7 майдан бошлаб дунёнинг 13 мамлакатида сотувга чиқди (Россияда расман сотувга чиқмайди). Pixel 3а’нинг нархи 399 долларга, Pixel 3а XL қурилмасининг нархи эса 479 долларга баҳоланмоқда.