AnTuTu iyun oyining eng samarali Android smartfonlar to‘plamini e’lon qildi. Spot’ning xabar berishicha, kuchli 10 talikning birinchi pog‘onasini OnePlus 7 Pro egalladi. U o‘rtacha 371,000 ball to‘pladi. Qurilma Snapdragon 855 protsessori va 6/8/12 GB operativ xotira bilan ishlaydi.
Bundan tashqari, unda 6,67 dyuymli va kadrlarni 90 Gts chastotada yangilaydigan QHD+ displey o‘rnatilgan. Yangilik Warp Charge 30 (20 daqiqa davomida 50 foiz) tezda quvvatlagichi, UFS 3.0 xotirasi va uchta asosiy kameraga ega.
Ikkinchi va uchinchi o‘rinni Xiaomi smartfonlari egalladi: Mi 9 (369 ming ball) va Black Shark 2 (366 ming ball).
Keyingi o‘rinlarda Redmi K20 Pro, OnePlus 7, Sony Xperia 1, LG V50 ThinQ 5G, Samsung Galaxy S10+ (Exynos 9820 chipi), Galaxy S10 5G (Exynos 9820 chipi) va Galaxy S10 (Exynos 9820 chipi) joylashdi.
Izoh (0)