Samsung ҳамёнбоп Galaxy А20 смартфонини тақдим этди

Samsung компанияси Galaxy A30, Galaxy A50 ва Galaxy А10 смартфонидан сўнг ҳамёнбоп Galaxy А20 ни ҳам тақдим этди, деб ёзади Spot.

Смартфон, янгиланган А сериясидаги бошқа қурилмалар сингари, пластик корпус ва томчисимон «кесик»ли узайтирилган экранга (Infinity-V) эга бўлди. Унинг диагонали 6,4 дюймни ташкил этади.

Қурилманинг самарадорлигига 1,6 ГГц частотали Exynos 7884 процессори, 4000 мА/соат батарея, 3 Гбайт оператив ва 32 Гб ички хотира жавоб беради. 512 Гбайтгача microSD хотира картаси учун «уя» ҳам мавжуд.

Galaxy А20 қўшалоқ камера билан жиҳозланган: 13 Мп (f /1.9) + 5 Мп (f /2.4). Биринчи модул асосий ҳисобланади, иккинчиси эса чуқурлик сенсори. Олд камера — 8 Мп. Смартфон бармоқ излари сканери, контактсиз тўловлар учун NFC чипи, USB-C порти ва Android 9 Pie ОS билан жиҳозланган.

Қурилма 217 долларга баҳоланмоқда.