Калифорнияда сўнгги 25 йил ичидаги энг кучли зилзила қайд этилди

Калифорнияда сўнгги 25 йил ичидаги энг кучли зилзила қайд этилди, деб хабар беради CNN.

Зилзила магнитудаси 6,4 баллни ташкил этган. Унинг ўчоғи Лос-Анжелесдан 196 километр нарида жойлашган. Ер ости силкинишлари ҳатто Лас-Вегасда ҳам сезилгани айтилмоқда. Бунган ташқари яна тўрт маротаба 3,5—4,7 балл орқалиғида ер ости силкинишлари қайд этилган.

Зилзила эпимаркази яқинида Риджкрест шаҳри ва АҚШ Ҳарбий-денгиз кучлари полигони жойлашган. Содир бўлган воқеа сабаб маҳаллий шифохоналардан одамлар эвакуация қилинган. Шунингдек, ҳудудда ёнғинлар ва талофатлар содир бўлган.

АҚШ президенти Дональд Трамп зилзиладан бохабар эканлигини ва вазиятни назорат остида ушлаб турганини билдирган.

Калифорния штатида бу каби кучли зилзила 1994 йилда содир бўлган. Ўшанда 6,7 балли зилзила 60 кишининг ўлимига олиб келган эди.