Дубай ҳукмдори Муҳаммад бин Рашид Европага қочиб кетган хотини малика Ҳаёни судга берди, деб хабар қилади «Korrespondent.net».
Олий суддаги эшитув жараёнлари 30—31 июль кунлари бўлиб ўтади.
ABC телеканалининг аниқлик киритишча, 30 июль куни бўлиб ўтадиган судда икки нафар болага васийлик қилиш масаласи кўриб чиқилади.
Малика Ҳаё 11 ёшли қизи ва 7 ёшли ўғли билан Германияда беркиниб юргани айтилмоқда. Ўзи билан 40 миллион долларни олиб кетган малика, етиб келиши билан ажрашиш учун ариза берган. Пулларни эса «янги ҳаёт» қуришга сарфлаган.
ОАВнинг тахминига кўра, айнан мана шу оилавий ажрим Германия ва БАА ўртасидаги муносабатлар ўзгаришига олиб келган. Маълум бўлишича, Дубай ҳукмдори Германиядан барча оила аъзоларини қайтаришини талаб қилган. Лекин Европанинг ушбу давлати бунга қулоқ солмаган.
Изоҳ (0)