Олмаоталик юрист Эржан Есимханов Ла-Манш бўғозини сузиб ўтди, деб хабар беради Tengrinews.
Қозоғистон фуқаросига 34 километр масофани сузиш ўтиш учун 14 соат-у 21 дақиқа керак бўлди. Эржан Есимхановнинг сўзларига кўра, у Ла-Маншдан сузиб ўтган биринчи қозоқ ҳисобланади. Бунинг устига у асосан кечаси сузиб ўтган.
«Бугун Англиядан Ла-Манш орқали Францияга сузиб ўтиб, Қозоғистон байроғини Франция қирғоғида баланд кўтардим», — деб ёзади Эржан ўзининг Instagram’даги саҳифасига.
«Мен гидрокастюмда сузаман. Ла-Маншдан расман сузиб ўтишда гидрокастюмдан фойдаланилмайди, аммо мен ҳеч қандай рекордларга даъво қилмайман, шунчаки ўзим учун сузаман. Ла-Манш орқали сузиб ўтаётган инсонларни тажрибали мутахассис иштирокидаги мухсус кема кузатиб боради. Унинг вазифаси — энг қисқа траэктория орқали қирғоққа олиб бориш, шунда ҳам масофа 33,5 километрдан кам бўлмайди. Канални сузиб ўтаётганингизда қайиққа тегиниш тақиқланади», — дейди Эржан Есимханов.
Инсоният тарихида Ла-Маншни биринчи бор 1875 йили Мэттью Уэбб 21 соат-у 45 дақиқада сузиб ўтган. Биринчи аёл эса 1926 йилда 14 соат-у 39 дақиқада сузиб ўтишга муваффақ бўлган. Эркаклар ўртасидаги рекорд австралиялик Трент Гримсга тегишли бўлиб, унинг натижаси 6 соат 55 дақиқани ташкил этади.
Изоҳ (0)