Қозоғистоннинг биринчи президенти Нурсултон Назарбоевнинг невараси Айсултан Буюк Британияда полициячини тишлаб олди, деб хабар беради «MK.ru».
Таъкидланишича, констебль Росс Сембук йигитнинг ўз жонига қасд қилишига йўл қўймаган. Полиция кичик Назарбоевни бегона квартирада пайқаб қолиб, қўлга олишга уринган.
Ҳозирда Айсултан Назарбоевга нисбатан полициячига тан жароҳат етказиш факти бўйича иш қўзғатилган бўлиб, у Саутуарк қироллик суди томонидан кўриб чиқилмоқда.
Айсултаннинг дўстларидан бири воқеа аслида бошқача кўринишда содир бўлганини маълум қилган. У кафеда Айсултан билан ўтирганида, яхши кўрган қизи қўнғироқ қилиб, уйининг эшиги ёпилиб қолганини айтган. Такси ёрдамида воқеа жойига етиб борган йигитлар эшик қулфини бузишнинг имкони йўқлиги билиб, учинчи қаватдаги квартирага ойна орқали киришга ҳаракат қилишган. Айсултаннинг балкон орқали квартирага кираётганини кўрган қўшнилар уни ўғри деб ўйлаб полиция чақирган.
Зудлик билан етиб келган полициячилар йигитларнинг ҳеч бир гапига эътибор қаратмасдан, уларнинг қўлини кишанлай бошлаган. Улардан бири Айсултаннинг томоғидан буққан. Айсултан эса буғилиб қолмаслик учун полициячини тишлаган. Шундан сўнг йигитга нисбатан электрошокер ишлатишиб, уни идорага олиб кетишган.
Ҳозирча содир бўлган воқеани Қозоғистон ҳам, Британия ҳам расман тасдиқлагани йўқ.
Айсултан — Қозоғистоннинг биринчи президентининг қизи Дариғанинг тўнғич ўғли. Ҳозирда у мамлакат Сенати раиси ҳисобланади.
Изоҳ (0)