2018 йилнинг май ойида Санта-Фе шаҳридаги мактаблардан бирида содир бўлган отишма оқибатида ўн киши ҳалок бўлган ва 13 киши жароҳат олган эди. Мазкур нохуш ҳодисада Дэвид Брискоу исмли ўқитувчи қаҳрамонлик кўрсатиб ўз синфини отишмадан сақлаб қолгани овоза бўлиб кетган эди. Бироқ энди маълум бўлишича, ўқитувчининг барча айтганлари ёлғон бўлиб чиққан, деб хабар беради Forum Daily.
Техас Tribune журналистларининг аниқлашича, Брискоу ҳеч қачон Санта-Фе мактабида ишламаган, у бутун умр АҚШнинг бошқа бир четида — Флоридада яшаган.
Санта-Фе округидаги мактабларнинг ҳеч бирида Брискоу фамилияли ўқитувчи топилмади. Инглиз тили фани эса отишма содир бўлган куни ўтилмаган. Мактаб ишчиларидан ҳеч бири Дэвид Брискоуни танимаган.
Ўз вақтида катта шов-шувларга сабаб бўлган «қаҳрамон ўқитувчи» йўлгончи бўлиб чиққани ҳақида ҳозирда New York Times, Washington Post, BBC, Hill ва бошқа кўплаб хориж нашрлари ёзди.
«Бу ёлғон маълумотни яратиш ва тарқатиш қанчалик осон эканлигини кўрсатиб берди», — дейди мактаб округи суперинтенданти Ли Уолл.
Изоҳ (0)