1 июлнинг эътиборга молик янгиликлари — «Дарё» дайжестида.
Ўзбекистонлик қиз Олмаотадаги халқаро гўзаллик танловида ғолиб бўлди.
Олмаотада 26 июндан 29 июнга қадар Мисс категорияси бўйича Fashion House Internationаl Kazakhstan 2019 халқаро гўзаллик, мода ва истеъдод форуми ўтказилди. Унда ўзбекистонлик Софья Усова гран-при ғолиби бўлди.
***
Big 7 Travel сайти томонидан ўтказилган сўровнома натижаларига кўра, украиналиклар дунёдаги энг чиройли миллат дея топилди.
Мила Кунис ва Мила Йовович каби Голливуд актрисаларнинг ватани бўлган Украина дунёнинг энг чиройли миллатлари рейтингида биринчиликни эгаллади. Иккинчи ўринни данияликлар эгаллаган бўлса, филиппинликларга учинчи поғона насиб этди.
***
Жиззахда 14 яшар укаси операциядан омон чиқмаган ака шифокорни пичоқлади.
29 июнь куни фуқаро Ж.Қ. Жиззах вилоят болалар кўп тармоқли тиббиёт маркази хирургия бўлимига келиб, бўлим мудири Т.Ҳ. бундан уч кун аввал «эхинокок» ташхиси билан операция қилиши натижасида 2005 йилда туғилган укаси вафот этганлиги сабабли ошхона пичоғи билан Т.Ҳ.нинг кўкраги ва қорнига бир неча марта пичоқ уриб, тан жароҳати етказади.
***
Урганчдаги ресторанлардан бирида қизлар ярим-яланғоч ечиниб, стриптиз тушаётгани хабар берилди.
Кейинроқ Хоразм вилояти ҳокимлиги ресторанда қизлар стриптиз намойиш этаётгани акс этган видеодаги воқеалар Хоразмда эмас, Россиянинг Санкт-Петербург шаҳридаги «Пойтахт» ресторанида бўлиб ўтганини маълум қилди.
***
Путин, Лукашенко ва Раҳмон Шавкат Мирзиёев совға қилган шийпончада ўзаро суҳбат қурди.
Путин ва Лукашенко «Заславл» қароргоҳида норасмий учрашувни амалга оширди. Учрашув жойи сифатида Ўзбекистон Президенти томонидан совға қилинган шийпонча танланди. Кейинроқ суҳбатга Эмомали Раҳмон ҳам келиб қўшилди.
Изоҳ (0)