1-iyulning e’tiborga molik yangiliklari — “Daryo” dayjestida.
O‘zbekistonlik qiz Olmaotadagi xalqaro go‘zallik tanlovida g‘olib bo‘ldi.
Olmaotada 26-iyundan 29-iyunga qadar Miss kategoriyasi bo‘yicha Fashion House International Kazakhstan 2019 xalqaro go‘zallik, moda va iste’dod forumi o‘tkazildi. Unda o‘zbekistonlik Sofya Usova gran-pri g‘olibi bo‘ldi.
***
Big 7 Travel sayti tomonidan o‘tkazilgan so‘rovnoma natijalariga ko‘ra, ukrainaliklar dunyodagi eng chiroyli millat deya topildi.
Mila Kunis va Mila Yovovich kabi Gollivud aktrisalarning vatani bo‘lgan Ukraina dunyoning eng chiroyli millatlari reytingida birinchilikni egalladi. Ikkinchi o‘rinni daniyaliklar egallagan bo‘lsa, filippinliklarga uchinchi pog‘ona nasib etdi.
***
Jizzaxda 14 yashar ukasi operatsiyadan omon chiqmagan aka shifokorni pichoqladi.
29-iyun kuni fuqaro J.Q. Jizzax viloyat bolalar ko‘p tarmoqli tibbiyot markazi xirurgiya bo‘limiga kelib, bo‘lim mudiri T.H. bundan uch kun avval “exinokok” tashxisi bilan operatsiya qilishi natijasida 2005-yilda tug‘ilgan ukasi vafot etganligi sababli oshxona pichog‘i bilan T.H.ning ko‘kragi va qorniga bir necha marta pichoq urib, tan jarohati yetkazadi.
***
Urganchdagi restoranlardan birida qizlar yarim-yalang‘och yechinib, striptiz tushayotgani xabar berildi.
Keyinroq Xorazm viloyati hokimligi restoranda qizlar striptiz namoyish etayotgani aks etgan videodagi voqealar Xorazmda emas, Rossiyaning Sankt-Peterburg shahridagi “Poytaxt” restoranida bo‘lib o‘tganini ma’lum qildi.
***
Putin, Lukashenko va Rahmon Shavkat Mirziyoyev sovg‘a qilgan shiyponchada o‘zaro suhbat qurdi.
Putin va Lukashenko “Zaslavl” qarorgohida norasmiy uchrashuvni amalga oshirdi. Uchrashuv joyi sifatida O‘zbekiston Prezidenti tomonidan sovg‘a qilingan shiyponcha tanlandi. Keyinroq suhbatga Emomali Rahmon ham kelib qo‘shildi.
Izoh (0)