Ўзбекистон Республикаси Фанлар академиясида Бош вазир ўринбосари Азиз Абдуҳакимов, Ўзбекистон Республикаси Вазирлар Маҳкамаси вакиллари, Инновацион ривожланиш вазири Иброҳим Абдураҳмонов, ЎзР ФА раҳбар ходимлари ва ITМ директорлари ҳамда етакчи илмий ходимлари иштирокида йиғилиш бўлиб ўтди. Бу ҳақда ЎзР ФА матбуот хизмати хабар берди.
Ушбу йиғилишда 2019 йил 18 июнь куни Ўзбекистон Республикаси Президенти Администрациясида олий таълим ва илм-фан соҳасида амалга оширилаётган ислоҳотлар ҳолатини ўрганиш ҳамда оммавий ахборот воситаларида танқидий муҳокама қилишга бағишланган 5-сонли мажлис баёни ҳамда 2019 йил 20 июнь куни Вазирлар Маҳкамасида бўлиб ўтган мажлисда белгиланган вазифалар юзасидан бажарилган ишлар муҳокама қилинди.
Илмий-тадқиқот муассасалари фаолиятини танқидий ўрганиш, муҳокама қилиш ҳамда унинг натижалари юзасидан оммавий ахборот воситаларида ёритилган танқидий-таҳлилий видеолавҳалар намойиш қилинди. Намойиш этилган видеолавҳалар ҳамда ўрганиш натижалари, хулосалари юзасидан илмий-тадқиқот муассасалари раҳбарларининг тушунтириш ва ҳисоботлари эшитилди.
Илмий-тадқиқот муассасалари фаолияти, ётоқхоналардаги аҳвол, илмий фаолият самарадорлиги, фан, таълим ва ишлаб чиқариш интеграцияси, илмий лабораториялар, моддий-техника базаси ҳолатини яхшилаш, аниқланган камчиликларни бартараф этиш юзасидан таклиф ва тавсиялар берилди.
Изоҳ (0)