Конго Демократик Республикасининг Луалаба провинциясидаги шахта қулаши оқибида 43 киши ҳалок бўлди, деб хабар бермоқда «РИА Новости».
Провинция губернатори Ришар Муеж Мангес Манснинг сўзларига кўра, тақиқланганига қарамай шахтада ишлашга қарор қилган ноқонуний кончилар ҳалок бўлган. Айни пайтда қурбонларнинг қариндошлари уларни таниб олиш амалиётини ўтказмоқда.
Хабарда айтилишича, Манс яна бир бор кончиликда ноқонуний ишлашга чек қўйишга чақирган.
Қулаган шахта Kamoto Copper Company (КCC)’га тегишли. Ушбу компания Луалаба провинциясида мис ва кобалт қазиб олиш билан шуғулланади. Компания уран аниқлангани сабабли 2018 йилнинг ноябрь ойидан буён кобалт экспорт қилишни вақтинча тўхтатган эди.
Изоҳ (0)