Германия ва Нидерландия тарихда биринчи ҳарбий интернетни яратиш бўйича ҳамкорлик қилишга келишиб олди, деб хабар беради «Korrespondent.net».
Тегишли битим Германия мудофаа вазири Урсула фон дер Ляйен ҳамда Нидерландия мудофаа вазири Анк Бейлевелд томонидан NATO’га аъзо мамлакатлар вазирларининг Брюсселда ўтказилган йиғилишида имзоланди.
Янги бирлашган тармоқ Tectical Edge Networking (TEN) номини олади ва NATO’га аъзо давлатларнинг ҳарбий тармоқларини ўзида бирлаштиради.
Тахминларга кўра, биринчи босқичда тармоқ орқали Германия армиясининг ер усти операциялари (D-LBO) ҳамда Нидерландия Мудофаа вазирлигининг FOXTRОT тактик коммуникация дастури ўзаро бирлаштирилади.
TEN’нинг штаб-квартираси Германиянинг Кобленц шаҳрида жойлашади, технологик дизайни билан эса Амерсфорт мутахассислари шуғулланади. Тармоқни ривожалантириш бир неча миллион еврога баҳоланмоқда.
Изоҳ (0)