АҚШ президенти Дональд Трамп КХДР раҳбари Ким Чен Инни Жанубий Кореяга ташрифи чоғида учрашишга таклиф этди, деб хабар беради «РИА Новости».
Трамп G20 саммити бўлиб ўтаётган Осака шаҳридан Сеулга учиб кетади.
«Хитой раҳбари Си Цзиньпин билан бўлиб ўтган бир неча муҳим учрашувлардан сўнг Япониядан Жанубий Корея томон йўл олиб, президент Мун Чже Ин билан кўришаман. Жанубий Кореядалигимда КХДР етакчиси Ким Чен Ин маъқул топса, чегарада — демилитаризация қилинган зонада учрашишга тайёрман», — деб ёзади Трамп ўзининг Twitter’даги саҳифасига.
Кейинроқ маълум қилинишича, Трамп ушбу таклифни Ким Чен Ин билан келишмасдан туриб билдирган.
«Мен шунчаки синов шарини учирдим, чунки Ким Чен Ин ҳозир қаерда эканлигини билмайман. Балки у Шимолий Кореяда эмасдир», — дейди АҚШ президенти.
Изоҳ (0)