Америка конгрессменлари Ро Ханна, Метт Гетс ва Энтони Браун АҚШ ҳарбий бюджетига ўзгатириш киритиб, Дональд Трампга маблағлардан конгресс розилигисиз Эронга ҳужум қилиш мақсадида фойдаланишни чекламоқчи. Бу ҳақда «Интерфакс» хабар берди.
«Президент Трамп атайлаб, мулоҳаза қилмасдан Эрон билан зиддиятга боришга мажбур қилиб Яқин Шарқда янги уруш бошланиши хавфини туғдирмоқда», — дейилади Браун баёнотида.
Унинг эслатишича, АҚШнинг мақсади Эронни музокара столига чақириш ва унга ядро қуролиги эга бўлишга йўл қўймаслик ҳисобланади. Брауннинг фикрича, Трамп юзага келтирган вазиятда бу ҳақда конгресс аъзолари ҳам, оддий америкаликлар ҳам унутган.
Ханнанинг таъкидлашича, ўтган ҳафтада Трамп Эронга зарба беришни унга бир неча дақиқа қолганда тўхтатган. Унинг айтишича, бу зарба президентнинг саловолди ваъдаларига зид равишда АҚШни Яқин Шарқда триллион долларлик урушга олиб келиши мумкин эди.
Гетс эса ўз баёнотида «Яқин Шарқдаши ноконституциявий, чексиз урушлар Американи кучли эмас, аксинча кучсизлантиради». У, АҚШ Эронга қарши куч қўллаш кераклигини эътироф этди, аммо ҳар қандай ҳарбий ҳаракатлар тўғрисидаги қарор конституциявий асосда конгресс томонидан қабул қилиниши кераклигини айтди.
Изоҳ (0)