NASA коинот агентлиги мутахассислари Curiosity марсоходидан олинган маълумотларни ўрганиб, Қизил сайёра атмосферасида катта ҳажмда метан гази борлигини аниқлади. Бу эса узоқ сайёрада тирик жонзотлар бўлиши мумкинлигидан дарак беради, деб хабар берди «Газета.ru».
Олимлар марсоходдан қўшимча маълумот сўраган. Улар ўз кузатувларини исботлаш учун янги тажрибалар ўтказишни режалаштирмоқда.
Олимларнинг таъкидлашича, аниқланган метан яқиндагина ҳосил бўлган, чунки қуёш нури ва кимёвий реакциялар уни парчалайди. Тадқиқотчилар газ сайёра ичида миллионлаб йиллар сақлангани ва энди ёриқлар орқали чиқаётган бўлиши мумкинлигини ҳам истисно қилмаган.
2013 йилда ҳам марсоход Марсда метан аниқлаган. Ушбу ҳафтада олинган кузатувлар эса аниқланган метан ҳажми 6 йил қайд қилинган метанникидан 3 марта кўплигини кўрсатган.
Изоҳ (0)