АҚШ президенти Дональд Трамп Эрон билан уруш бошлашни хоҳламаслигини, чунки бу «мисли кўрилмаган талофат»ларни келтириб чиқаришини маълум қилди, деб хабар беради «Известия».
«Мен уруш қидирмаяпман. Агарда у бошланса бунга қадар кузатилмаган талофатлар юзага келади, мен эса буни хоҳламайман», — дейди Трамп.
Шу билан бирга у Теҳрон ядровий қуролга эга бўлиши мумкин эмаслигини маълум қилган.
«Музокараларни хоҳлайсизми — яхши. Акс ҳолда кейинги уч йил ичида иқтисодингиз ачинарли ҳолда бўлади», — дея якун ясайди Америка етакчиси.
Икки мамлакат ўтрасидаги муносабатлар Дональд Трамп 2018 йилнинг майида Теҳрон билан «ядровий келишув»дан чиққач кескинлашишни бошлаган эди. Кейинроқ Вашингтон Эрон келишув шартларини бузганини баҳона қилиб, санкцияларни қайта жорий этганди. Эрон ҳукумати бу каби хатти-ҳаракатларни ноқонуний ва асосланмаган дея баҳолаган.
Изоҳ (0)