Москвада ҳар йили ўтказиладиган «Владимир Путин билан тўғридан-тўғри линия»нинг жорий йилги рейтинги 2013 йилдан буён энг паст кўрсаткични қайд этди, деб хабар беради Meduza.
Mediascope компанияси маълумотларига кўра, трансляция рейтинги 6,8 фоизни, аудитория улуши эса 52,6 фоизни ташкил этган.
«Тўғридан-тўғри линия»ни Москванинг ўртача 1 миллион аҳолиси телевизор орқали томоша қилган, хусусан, уларнинг аксариятида трансляциянинг иккинчи қисми катта қизиқиш уйғотган.
Ўтган йили «Тўғридан-тўғри линия»нинг Москвадаги рейтинги 8,1 фоизни, улуши эса 54,1 фоизни ташкил этганди. Москвада ушбу рейтинг тўрт йилдан буён кетма-кет пасаймоқда.
Изоҳ (0)