Владимир Путин Россия авиакомпанияларига жорий йил 8 июлидан Грузияга йўловчи қатновини вақтинча ман этувчи фармонни имзолади.
Фармон «миллий хавфсизликни таъминлаш мақсадида» қабул қилинган. Тақиқ қанча давом этиши номаълум.
Россия туроператор ва турагентларига тақиқ давомида Грузияга йўлланмалар сотишни тўхтатиш тавсия қилинган.
Путин ҳукуматга ҳозирда Грузияда бўлиб турган Россия фуқароларини мамлакатга қайтариш чораларини кўришни топширди.
Эслатиб ўтамиз, олдинроқ Тбилисида россиялик депутатнинг парламентдаги чиқиши туфайли норозилик акциялари бошланганди. Уларда бир киши ҳалок бўлди, 300 дан ортиқ киши ҳибсга олинди. Парламент спикери истеъфога чиқди, Грузия президенти эса Россияни мамлакатда ички низоларни ташкиллаштиришда айблади.
Изоҳ (0)