Давлат хизматлари агентлиги бир қатор ходимлари Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси мудири этиб тайинланди, деб хабар берди ЎзА.
Ўзбекистон Республикаси Вазирлар Маҳкамасининг фармойишига кўра, Муродилла Эшназаров Қашқадарё вилоятидаги Бош вазирининг Тадбиркорлар мурожаатларини кўриб чиқиш қабулхонаси мудири лавозимини бажарувчи этиб тайинланди.
Муродилла Эшназаров шу кунга қадар Давлат хизматлари агентлиги Қашқадарё вилояти бошқармаси бошлиғининг ўринбосари лавозимида ишлаб келаётган эди.
Шунингдек, Ўзбекистон Республикаси Вазирлар Маҳкамасининг фармойишига кўра, Акмал Туробов Самарқанд вилоятидаги Бош вазирининг Тадбиркорлар мурожаатларини кўриб чиқиш қабулхонаси мудири лавозимини бажарувчи этиб тайинланди.
Акмал Туробов шу кунга қадар Давлат хизматлари агентлиги Самарқанд вилояти бошқармаси бошлиғининг ўринбосари лавозимида ишлаб келаётган эди.
Ўзбекистон Республикаси Вазирлар Маҳкамасининг фармойишига кўра, Умиджон Расулов Сирдарё вилоятидаги Бош вазирининг Тадбиркорлар мурожаатларини кўриб чиқиш қабулхонаси мудири лавозимини бажарувчи этиб тайинланди.
Умиджон Расулов шу кунга қадар Тошкент вилояти Янгийўл тумани Давлат хизматлари маркази директори лавозимида ишлаб келаётган эди.
Изоҳ (0)